दर महिन्याच्या 1 तारखेला आर्थिक क्षेत्रात मोठ्या प्रमाणात बदल होत असतात.. त्यामुळे कधी खिसा खाली होतो, तर कधी फायदाही होतो. नोव्हेंबर महिना सुरु होण्यास अवघ्या काही तासांचा अवधी शिल्लक राहिला आहे. या नव्या महिन्यातही अनेक नवे बदल होणार आहेत. नेमक्या कोणकोणत्या क्षेत्रात हे बदल होतील, याबाबत सविस्तर जाणून घेऊ या..
काय बदल होणार..?
गॅसचे दर बदलणार?
पेट्रोलियम कंपन्यांकडून दर महिन्याच्या पहिल्या तारखेला एलपीजी गॅस सिलिंडरच्या दरात (LPG gas cylinders prices) बदल केले जातात. 1 नोव्हेंबरला 14 किलोच्या घरगुती आणि 19 किलोच्या व्यावसायिक गॅस सिलिंडरच्या किमतीत बदल होण्याची शक्यता आहे. ऑक्टोबरमध्ये पहिल्या दिवशीही व्यावसायिक गॅस सिलिंडरच्या दरात कपात केली होती.
सिलिंडरच्या वितरणात बदल
एलपीजी सिलिंडरच्या किंमतीसह वितरण प्रक्रियेतही बदल होऊ शकतो. गॅस बूक केल्यानंतर ग्राहकांच्या मोबाईल नंबरवर एक ‘ओटीपी’ पाठवला जाईल. सिलिंडरची डिलिव्हरी करताना, हा ओटीपी डिलिव्हरी बॉयला द्यावा लागेल. हा कोड सिस्टिमशी जुळला, तरच ग्राहकाला सिलिंडरची डिलिव्हरी मिळेल.
विमा कंपन्यांना केवायसी अनिवार्य
भारतीय विमा नियामक आणि विकास प्राधिकरण (IRDAI) विमा कंपन्यांना केवायसी प्रदान करणे अनिवार्य करू शकते. नॉन-लाइफ इन्शुरन्स पॉलिसी खरेदी करताना केवायसी तपशील देणे ऐच्छिक असेल. विमा दावा करताना केवायसी कागदपत्रे सादर न केल्यास, दावा नाकारला जाऊ शकतो.
रेल्वेच्या वेळापत्रकात बदल
भारतीय रेल्वे देशभरातील गाड्यांच्या वेळापत्रकात बदल करणार आहे. 13 हजार पॅसेंजर ट्रेन आणि 7 हजार मालगाड्यांच्या वेळा बदलतील. देशात धावणाऱ्या सुमारे 30 राजधानी गाड्यांच्या वेळाही 1 नोव्हेंबरपासून बदलणार आहेत.
ऑक्टोबर महिना आज संपणार आहे. उद्यापासून नवा महिना नोव्हेंबर सुरु होणार आहे, याचबरोबर तुमच्या दैनंदिन आयुष्यावर परिणाम करणारे काही नियम देखील उद्यापासून बदलणार आहेत. हे नियम केवळ तुमच्या खिशावरच परिणाम करणारे नाहीत तर आरोग्याच्या आपत्कालीन वेळच्या इन्शुरन्स क्लेमसाठी देखील महत्वाचे आहेत. याचबरोबर भारतीय रेल्वे हिवाळी टाईमटेबलमध्ये देखील बदल करू शकते.
दर महिन्याच्या १ तारखेला गॅस सिलिंडरच्या किंमतीत बदल केला जातो. यावेळी देखील गॅस सिलिंडरच्या किंमती बदलल्या जाणार आहेत. १४ आणि १९ किलोच्या सिलिंडरच्या किंमतीत हे बदल केले जातात. १ ऑक्टोबरला कंपन्यांनी कमर्शिअल वापराच्या सिलिंडरच्या किंमतीत 25.5 रुपयांची घट केली होती. आंतरराष्ट्रीय बाजारात गॅसच्या किंमती चढ्या आहेत, यामुळे उद्या LPGच्या दरात वाढ केली जाऊ शकते.
गॅस सिलिंडरबाबत आणखी एक नियम बदलला जाणार आहे. नोव्हेंबरच्या पहिल्या तारखेपासून डिलिव्हरी प्रक्रियेत बदल केला जाणार आहे. उद्यापासून गॅस सिलिंडर ओटीपी दिल्यानंतरच डिलिव्हर केला जाणार आहे. ग्राहकाच्या रजिस्टर मोबाईल नंबरवर ओटीपी पाठविला जाणार आहे. तो डिलिव्हरी एजंटला द्यायचा आहे. त्यानंतरच सिलिंडर मिळणार आहे.
नोव्हेंबरच्या पहिल्या तारखेपासून विमा नियामक IRDAI कडून एक मोठा बदल केला जाऊ शकतो. विमाधारकांना KYC तपशील प्रदान करणे अनिवार्य केले जाऊ शकते. सध्या, नॉन-लाइफ इन्शुरन्स पॉलिसी खरेदी करताना केवायसी तपशील देणे ऐच्छिक आहे, परंतु उद्यापासून ते अनिवार्य केले जाऊ शकते. विमा दाव्याच्या वेळी KYC कागदपत्रे सादर केली नाहीत तर दावा रद्द केला जाऊ शकतो. यामुळे हे खुप महत्वाचे आहे.
जीएसटी रिटर्नच्या नियमांमध्ये बदल करण्यात येत आहेत. आता 5 कोटी रुपयांपेक्षा कमी उलाढाल असलेल्या करदात्यांना GST रिटर्नमध्ये चार अंकी HSN कोड लिहिणे बंधनकारक असेल. यापूर्वी दोन अंकी HSN कोड टाकावा लागत होता.
